Dëst Heft hu mir entworf, fir de Kanner spilleresch eenzel sproochlech a logesch-mathematesch Kompetenzen nozebréngen. D’Zil ass an éischter Linn, datt d'Kand Freed fënnt, fir mat der Sprooch ze spillen, se ze entdecken, ze manipuléieren an ze erweideren; datt et déi Inhalter, déi och am Préscolaire un et erubruecht ginn, op eng lëschteg Aart a Weis erfuersche kann, Inhalter wéi Buschtawen, Zuelen, Quantitéiten …

D’Übungen, vun enger Orthophonistin ausgeschafft, sinn op ganz präzis sproochlech a logesch-mathematesch Kompetenzen ausgeriicht, déi allerguerte wichteg sinn, fir de Primaire sou gutt wéi méiglech ze bewältegen:
• mëndlecht Sproochverständnis
• mëndleche Sproochausdrock
• Métaphonologie, auditiivt Gediechtnis an auditiv Opmierksamkeet
• Entdeckung vun der Schrëftsprooch
• Pré-écriture
• logesch-mathematescht Denken

Ähnlech Produkter